Software Life Cycle

 Software Life Cycle.

Apllication version release 

Software release life cycle map hi lo bihchiang dawn ta ila. Software siam hi thil namailo tak a ni a. Android application te tak te siam pawh hian lehkhabu tenaua hawrawp awm zat zet code ziah a ngai ṭhin.

Chung code te chu an han rem khawm a. Han hmang dawn ila, a lo ṭha tawk lo ngei a. Online a hman tur phei chuan hacker tan chance a siamsak em tihte en ngial a ṭul ṭhin. Software an release chhoh dan leh a hming an vuah hrang hrangte hi lo en ila.

Stages of development 

● Pre-alpha

ᅠPre-alpha chuan test theiha an siam hmaa thil ṭul- mamawh tur zawn te, software duan, software tihphuisui leh chungho enchhin te chu a huam a. Open source ah chuan pre-alpha versions hi a awm fer fur ṭhin.

● Alpha 

ᅠ Hei hi software remkhawm a nih hnua test hmasa ber a ni a. Hetah hian Developers te chuan software chu white-box techniques hmangin an han test kual ta a. Anni trst hnuah team dangin black-box / gray-box techniques ṭmangin an test leh ṭhin. White box aṭanga Black nox test an neih chiah hian alpha release an ti ṭhin.

Alpha software te chu an mumalloin an nghetlo em em a. A chhiain a hman hleihtheihloh fo a ni. Mahse an release tum ang feature chu an bilh kim vek tawh ṭhin. Alpha version hi open-source ah chuan midang an hmantir tho a. Open source ah lo chuan midang an hmuh lem lo.

● Beta 

ᅠ Beta hi alpha dawt chiaha an release ṭhin a ni a. Beta stage a Software an dah mek te chu betaware tiin an ko mai a. Beta version hian nihphung (feature) zawng zawng nei kim mah se device hrang hranga han test in bug a ngah duh hle ṭhin a. Chung bugs te chu a test tu ten an report leh ṭhin. 

Beta version chuan a tum ber chu Hmangtu hrang hrang ten harsatna engnge an neih tih hriat a ni ber a. Mipuite hnena enchhinna leh hman chhinna atana dah chhuah a ni ṭhin a. Ṭhenkhat chuan preview (thlirlawkna) an vuah bawk.

Beta version lo hmangtute chu Beta testers an ti a. Anniho hian bug awmte an report let leh a. A siamtu ten version thar an chhuah zung zung a. Chung thil thar awm apiang chu mipui hmuh hmain an hmantir bawk ṭhin a. Application ṭhenkhat chu a tlawm bikin an leitir bawk ṭhin.

 

● Perpetual beta 

ᅠHei hi Company ten application version thar tichhuak lova beta version rei tak an hmantir sawi nan an hmang a. February 2005 khan ZDNet chuan he ṭawngkam hi a rawn hmang ṭan. Perpetual beta tia koh theih chi hian  Gmail leh Google News te pawh an awm hman. 

Windows 8 aṭang khan Microsoft in beta hi "preview" ti hlirin a dah ta thung. 

Beta version hi Open/public leh closed/private ah an ṭhen a. Hei chu sawifiah a ngai hran love.

● Nightly Built

ᅠ Nightly built hi zana compile (phuahkhawm) an chin avanga an vuah a ni a. Developer te chuan darkar tam tak chhun lama an buaipui tawh chu chhunlam hnathawh hun a lo tawp chuan an han phuah khawm ta ṭhin a. Chu chu Developer dang leh anmahniin thil thar belh a, an lo siamṭhat leh theih nan an dah a ni. Developer te chuan chu thil an siam hnuhnung ber chu a dang belhin an chhunzawm leh ṭhin. Developer ho hian project lian tham ah an telh tlangpui a. A te tham deuha siam leh beta version aia mipui hmantir ta an awm ve tho bawk.

ᅠ

● Release candidate.

 ᅠ Release candidate (RC) an tih going silver an tih bawk hi Beta version an tih chhuah, khawih danglam ngai tawh lo tura ngaih ho hi an ni a. An ring nghal thei a, her danglam zeuh an nei leh bawk a. Amaherawhchu bug lian tham a awm te a nih loh chuan feature thar a awm tawh ngai lo.

ᅠ Release Candidate hnuah hian source code thar an dah belh tawh ngai meuh lo.

● Release version

ᅠ Hei hi a puitlin tak tak hnua an release hi a ni a. Stable version an ti ṭhin. Hengho hi kan lo download ber hi an ni hlawm ta a ni.

An duh ang taka an siam ni mah se bug a la nei fo a. Upgrade reng a ngai tho ṭhin. Chuvangin version thar hi a lo chhuak leh ṭhin a ni.

TANGSEH LEH A ENKAWL DAN

TANGSEH LEH A ENKAWL DAN

Tun lαiin hmun hrαng hrαngαh tαngseh α tαm hle mαi α, tαngseh nαtnα chungchαng tlem hαn tαrlαng leh teh αng.

Tαngseh hi virus chi khαt, vαricellα zoster virus vαngα lo αwm α ni α, nαupαng kum sαwmpαhnih hnuαi lαmin αn vei tlαngpui α, puitlingin αn vei chuαn nαupαng αiin αn tuαr nα zαwk ţhin α ni. Hmαn lαi chuαn nαtnα hluαr tαk mαi α ni α, α vênnα vαccine siαmchhuαh α nih hnu chuαn α tlem tαwh hle α ni.

Nαupαngin tαngseh αn veiin, ţhenkhαtαh chuαn αn hriαtnα thαzâmαh he nαtnα hrik hiαn bu khuαrin α muhil ţhin α. Kum upαt hnu, tαksα α lo chαkloh hunαh he nαtnα hrik hi lo hαrhchhuαkin, αwmvêl αngin α lo lαngchhuαk leh thei bαwk α ni.

Tαngseh hi nαtnα inkαichhαwn αwlsαm tαk mαi α ni α. Chil per, khuh, hαchhiαu leh tαksα α durh lo keh αţαngα inkαichhαwn α ni. α nαtnα hrik tαksαα α luh αţαngα kαr hnih thum velαh α lαngchhuαk ţhin α ni. Tαksαα α lo lαnchhuαh hmα ni hnih velαh hiαn khαwsik, lunâ, chαw ei tui lohnα leh pum nuαm lo α αwm ţhin α; hetα ţαng hiαn α inkαichhαwn theih α ni. Zunthlum nαtnα nei leh tαksαin nαtnα α do lêt theihnα khαwl chαk lo, HIV hrik pαi te hiαn tαngseh hi αn tuαr nαsα bik ţhin α.

Tαksααh bαwl sen deuh ţiâk α lo αwm α, hei hi lo durhin α chhungαh tuihnαng α αwm α. Ni hnih αţαngα ni li hnuαh khir α lo insiαm ţhin α, khir α insiαm zαwh vek hnu hi chuαn α inkαichhαwn theih tαwh loh α ni.

Nu nαupαiin α vei chuαn nαuteαh hαrsαtnα- Ţhαn ţhαlo, lu tê, mit lαm hαrsαtnα leh thluαk ţhαtlohnα α thlen thei α ni.

Tαngseh hi nαtnα hlαuhαwm tαk α ni lo vα, nαtnα dαngin α tlαkbuαk loh chuαn αmαhin α dαm ve mαi ţhin α. Inkαichhαwn α αwl αvαngin α veite chu dαh hrαn tur α ni. α nαtnα lαnchhuαh dαn α zirα enkαwl mαi tur α ni α. MB no. 3 pek leh sαisiαk tui α buαlin αwmziα α nei lêm lo vα. αntivirαl dαmdαwi pαwh hiαn α tidαm chuαng lo vα, α nαsα tur erαwh α tiziααwm thei α, nαt hun chhung α titαwi thei bαwk α. Tαngseh vênnα vαccine lα lovαh chuαn αntivirαl dαmdαwi pêk α ţul fo ţhin α. Tαngseh vei tαwh chuαn αn vei nαwn leh tαwh lo tlαngpui α ni.

Tαngseh hi enkαwl ţhαt loh chuαn nαtnα hrikin α tlαkbuαk thei α (secondαry infection), mitnâ, vun pân, tilmu vûng, ruhchuktuαh nâ, pneumoniα leh meningitis- thluαk tuαmtu hâr vûng leh nâ α thlen thei α. Thin leh thluαk α khαwih pαwi theih αvαngin nαupαng tαngseh veite αspirin pêk loh tur α ni.

In lαmα inenkαwlnααh chuαn, Vitαmin E oil leh khαwizu hnαwihin ser α reh hmα thei α; tin, neem hnαh râwtsαwm α, hnαwih α ţhα α hriαt α ni α. Vun thαk inhiαh pilh loh nαn kut tinte bûl ţhα tαkα hleh tur α ni α.

Tuiril tlαkchhαmnα α αwm loh nαn thil tuiril lαm pêk tαm tur α ni α. MB no. 3 hi, "Kαwchhungα α hrik lût tur α vêng" tiin pêk kαn ching α. MB no. 3 hi sulfα telnα α ni α, huαt theih α ni α, side effects dαng pαwh α nei thei zαwk α. Tun lαiαh dαmdαwi ţhα tαk tαk α tαm tαwh α, MB lo lα pêk chîn hi chu α ţhing tαwh lutuk. α nαsαt chuαn in lαmα inenkαwl mαi lovin, doctor pαn tur α ni. 

Kan beisei

 Beiseina hi mihringte damchhan chu a ni deuh ber mai àwm e. Miin a nunah beiseina réng a neih lohva a beidawn miau chuan dam thlâkhlelhna a bova, beisei neilo tan chuan nun hi a lo ninawm viau àwm asin.

 Beiseina sâng tak neitu chuan a beisei sâng ber chu changin hlen zo lo mahsela a dawttu emaw tal chuan a beidawnna a la hliahkhuh țhen thei tho àwm e.

 *A dik tak chuan mihring te beisei chu - A dawt leh chiah - hi a ni.*

Mahni chan lam

 Ka pi hian chaw a duh rum a, ka pu hian a duh nêm ve thung teh tlat a! Chaw chhum a nêm lutuk deuh emaw a rum lutuk deuh emaw hian inhnial fiamna a chhuak fova, chaw chhum berin pâwl lam em em nei lova tui-lâi-rapa a awm hian chuti ang chu kan pumpelh țhin.

Chaw a lo nêm lutuk palh hlauh chuan pakhat chaw nèm vangin a phunnawi deuh a, pakhatin 'chuti khawpa chaw rum i duh chuan a fâiin bâr la ti nia!' a ti a. Pakhat ve thungin 'chutia i duh nêm viau chuan tuisik hâwp la ti nia!' a lo ti ve leh khauh thung țhin.

Engle-khawle, a ngaina lo tana khaini rim chhiatna tak hi a duhmi tana a tuina zu ni mauh pek a!

INTEITÊT

 

  

      Ei leh bar tui tak han neih ve châng hian mizo ka ni hi vànnei ka intiin ka lâwm zual țhin. Sâp hovin an ít (eat) a, vâi hovin an khãi leh mai mai a, keini mizo chuan a ei ngeiin kan han ei pûk pûk mai țhin hi chu - dam man a awm țhin a ni.

 A mi zalêng, ka kaw ve phît phêt nazawngin mahni inteitêt hi ka hreh è, a inteitè zawngin ka khawsa dawn love an ti a ni mahna. Kei zawng i inteité ang u ka ti a ni; leh ngîãlmai țhin a! Inteitêt ka ngâi bér búr tlat; kei ber hi.😁

     Hmanraw hmãi chhah bér búr a hmantlâk loh. Chempui chu a hriâm tur a ni. Hriãm tur chuan a hmai tah ral țhen a ngâi. Fei hmâwr chu a zum țhat theih nan tah ral emaw suih ral țhen a ngai; teitêt a ngai tlat!

 Hriãma zuma hmantlâk ni turin inteitêt hi a ngai. Kan chhah bér bûr lutuk hi kan hma zawn kuâk theih loh chhan zu ni záwk tlat pek a maw le!

     Kan țawngkam hman rêng rêngah thumal pahnih khat chauh hian kan thusawi tur a tichiangin a tifiah zo lova, a sawituin a hrilhfiaha a sawifiah thiam loh phei chuan a tum a bo mai nilovin a tum loh dan ang daihin a tum tak zâwk a hnial emaw tih mai theih a ni. Hei hi inhnialna chhuah fo chhan zu ni țhin tlat a!

     Mizovin Pathian tih kher phût lovin sâpin God an tih pawh kan pawmpui mai ang hian mite thusawi tum laimu hriatthiampui tumin a țawngkam hmanah hnialna zawng lo ila. 

 Țawng hi dik leh dik lo thliar vak vak țhin khawpa mi inzirmi leh fing, miril nia kan sawi leh ngaihten an hriãt kân luih - țawng hi kan inbiak/hriat pawh theihna (communition means) a ni zâwk tih lai tak hi a taka nunpui mai hi a hahdam phian.

     Țawngkam mai hian engmah hi a lo hrilhfiah zo tak tak love..

 

BRUNO

       

    Nunna nei lo thil leh bungrua mai mah hi kan kawl tlangnel leh kawl rei tawh a niha mahni ta anih ngat phei chuan a lo ngaihawmin a lo hlu thei hle thin. Chu mai nilova nunna nei, min ngainaa kan chunga rinna nghat ngam ngat. Chhiatna emaw thil tha lo kan tawh palh pawha min khawngaiha kan chunga lainatna lantir thei phei chuan kan nunah hian hmun a awh thuk thei viau mai.

    Heta a thlalak ka dah hi kan ui ngainat em em leh chhungkuaa kan buaipui ve tak mai a ni a, ka fapa naupang ber phei hi chuan a ngai ngawih ngawih thei hial! A hming atan Bruno tih a phuahsak a, an infiam nasa thin hle mai. A harhin a hlei ve hle thin a, pawi erawh a sawi lo viau thung.

    Kan ui hming BRUNO tih hi eng tawng nge a nih chiaha engtihna nge anih reng kan hre lova, kan ui hming leh a kohna a ni tih hi kan hrilhfiah theih dan thui ber chu a ni mai. Amah Bruno pawh hi kan koh apianga min pan chat theih danah hian a hming a ni tih a hria tih a hriat theih a, a hming awmzia kan hriat dan a inchen chiah anih chu!! Kan va inhrawn tawk tak em!!

    Chhungkua na na na chuan inanna lai te pawh kan lo nei ve a, chu chu sa kan duh em emna hi a ni ta berin ka hria. Heti taka hahdam si hi kan duat ber angreng lawi a, a damchhung ni zawng khan hnathawkah kan phut miah lo. Hei tak hi kan fakawm ve em emna lai te pawh niin a lang. Han phuta han hruai viau tur pawhin a enkawltute pawh hi kan tha a za zek zawk lo te pawh a ni tel ve bawk ang chu!!!

    Bruno hi a la naupan viau laiin a til ka laktir pek a, hemi ni atang hian kan chhungkuaah transgender kan lo awm ve ta chu a ni a, ka thil tih fuh loh tak ni te pawhin ka hre leh hnuhnawh a, ka inthiam lo ru viau mai.

    Engle-khawle, chutia til nei ta lo na na na chuan chi thlah thei hek lo, tu leh fa nei lovin a damchhung nite chu a chhiar liam ta ngawt kha a ni a. Mahse keini mihringte angin a phunin a nawi a nawi ve lem lo. Tin, han phun chiam tur pawhin a tawng thei tlat lo.

    Bruno hian mizo tawng a thiam a nih ka ring a, a chhan chu kan thusawi kha a hre thiam tlat. Vai thusawi chu a hrethiam miah lo! Mahse zir lo tafam chuan ziak leh chhiar kha a thiam lo ni turah ka dah ngawt a. Ziak hi chu a thiam lo chiang tih ka hria a, chhiar tak kha a lo thiam ru reng thei. Lehkha bu te kha a melh ve reng thin tak e! Mahse vawikhat mah a chhiar ri lo.

    Kan duatin kan dah awl viau naa a thlarau nun lam kha kan lo ngaihthah a ni chek ang chu a dam chhung ni zawng khan vawi te khatmah biak in lamah kan hruai lo. Vawikhat chu a ma thu ngatin biak inah a rawn kal thung a, mahse a thlarau nun tuihalna lam aimahin a tisa riltamna lam niin a lang thung; kohhran ruaitheh lai a ni tlat.

    Mihringte hian kan damchhung hun rei lohzia kan sawi chamchi mai a, Bruno kha a naupan atanga a upat thleng, a damchhung kum kha kum hnih vel niin ka hria. Phun nawi chu sawi loh hlim tak leh enghelh nei eih lovin kha a damchhung kum reilote kha a chhungkaw neih ve chhunte min tihhlim loh leh min tih lungawi loh hlau reng rengin a hmang tluan a, kan hauh pawhin mei vai lap lapin lawmthu min hrilh thin nia! Camping leh inkhawm ngaihsak si lo kha a nun a ngil riauva, pawl leh kohhran lam ngaihthah deuh e tilo chuan a tlawmngai phian bawk. Sum leh sannate, lei mawina te aimah chuan sa rim a ngaina. Vanram kai tak maw!

Ka Pi

     

Ka pi leh a tute 💖💖💖

        Hei thlalaka lang, a lai taka thu hi a lian ber tih kan hmu. Ka pi a nih hi; ka pu nupui chu.

    Ka pi chanchin ka hriat theih chin chu a fate atangin a ni mai a. Chumi hmalam chu ka hre pha lo nasa lutuka sawi tur ka nei lo. Ka pi hian a pi veleh chhawng Evi kha anna tak a nei. Apple lam chi reng reng hi a ngaina hle (Eden huan laia ei thianglo theirah kha Apple ang deuh turah han dah ngawt ila!). Evi kha chu theirah ei turin thlem a ngai a. Ka pi ve erawh thlem kual buai vel a ngai lo. A duh tawp! 😄

    Ka pi hi ka pa nu a ni. Ka pa te unau hi unauza rual mahnise pasarih an ni. Chu chu Pathian nambar kan tih hi a ni. Chumi thlah kal zel pawh nilo an thlah chiah chiah ka ni. 😇 Engpawhnise ka pi chanchinah lut tawh teh ang:

    Ka pi hi mihlim thei tak a ni a, inti mihlim, rau rei ruai ang chi erawh a ni lo. Fiamthu duh tak, thiante zingah pawh an hlimpui ve thin tak mai a ni. A nulat lai nen inkawm hman ila kan nawi dun thin ngawt ang! 

    Ka pi sawi chuan thingpuisen hang, chini leh bawnghnute pawlh ngat ni si hi sawi tel loh theih a ni thin lo. Chawei kham thingpui hi khel lovin a in thin, a in lam a peih tluk zetin a lum peih bawk. Tin, chanchinbu chhiar a peih hle. Hei vang te pawh ni a ni mahna a polite-in manner a hre vei phian. Chuti taka manner hria e tilo chuan TV a en ring thei hle. Ring tak leh hnai taka TV en duh mi a nih avang hian thil chik tak a ni tihna a ni kher lo. A ni thei tho bawk. Football khel en a peih em em tluk zetin TV serial film a ngaina bawk.

    Ka pi hian chakai a ngaina thin hle a. A tar deuh tak hnu, ha a neih that tawh loh tak hnu pawh hian chaicheh inchhawp rapa chakai hmeh duh mai, tute tlangvallai emaw ang maia a bawppui lian lian thlang nalh nalh thin a ni. Chuti taka chakai duh e tilo chuan a sakhuana avangin a ei zui ta lo thung. Mak tak a ni!

    Ka pi hian zawngtah leh thingthupui a ngaina takzet a, a ha that tawh loh avanga a thial theih tawh loh hnu pawhin zawngtah hi chu a chhum hmin hnipa a ei tho. Nia, a uih ting mai!😂

    Ka pi hian ui a vulh tawh, sadama tiin a ko. Chu ui chu ui lian tak a ni a, alsatian an tih ang hi a ni. Tuktin thakhurni tuikhur lamah an inpawt dawr dawra hmai an phih thin. Sadama lah khan a peih lo thin ve khawp mai. Pitar hmai phihsak ngai nih te pawh kha a zak a ni ve mahna! Sadama chuan chaw a heh em em ringawt mai. Chhawr bawkna em em an neih ka hre lo. Thleng lian ve tak mai hian vum thur khawpin chaw an chhawp a, tuisik chawm a ni emaw, satui chawm a ni emaw a ei zo hneh em em zel. Chu mai a la nilo, thenawm hnaivaite vawk chaw a lo ei belh teuh thei tho thin nia! Chuti taka theih tawp chhuaha duat tak maia an enkawl fe hnu chuan a bo! Chu chu sadama dam hun chhung chu a ni.

    Ka pi hian fapa panga a nei a, a then an sam a kir a, a then an sam a mam. Sam kir hi lukir tih an ni. Ka pi fate zinga a lukir ber hi milar ni silo chanchin ngah ve nek ang hi a ni. A ni chanchin hi hun ka nei a nih chuan han zir bing te pawh ka duh hial nia! Zir bing han tih le'mah chutia a ni chanchinah hian han zirbelh tur erawh a awm a ni lem hlei law!

    Ka pi hi Seni tia koh a ni. Kum 100 min dam thlenpui hlauh a nih pawhin Seni a ni tluan thovang. Baby-i kum upa ve tak tak pawh an awm nawk tho a lawm. Lalnunmawii pir var ve zet pawh ka hria!

    Ka pi hian a tu leh fate zingah a kawm rualpui a nei miah lo mai hi ka khawngaih thin. Keini lam pawh kan demawm bik love; pi te nena inrual thu awm bik hek lo le!

    Ka pi hian a pasal a sun tawh a, a kawm rualpui thiante an tam ta bik lo. A awm chhunte nen pawh inlen pawh turin an tha leh zung, an khaw hmuh te'n a zo tawh miau silova an khua a har hian ka ring ve thin.

    Ka pi fate hian nupui/pasal an nei tawh mai nilovin tu leh fate neiin an tu leh fate pawhin nupui/pasal an nei duah tawh hlawm hial a. Chu'ng chhungkaw hrang indin thliah te chuan kan neih intawm leh min neitu ni bawk chu ka pi hi a ni. Thil dang zawng chu a neitu bik kan awm theuh a, ka pi erawh chu kan ta bik a ni theuh a, kan intawm theuh bawk. 

    Ka pi awm mai mai hian tha chak tak nei, hlawh tam tak nei leh hausa takin a duh thua a tih theih miah loh hna ropui tak mai chhungkaw phuarkhawm hna a thawk reng hi a ni a. A tu leh fate zingah hian ka pi awm mai maiin a tih ang thawka ti thei pakhatmah kan awm lo. Ka pi hian a dam chhung hun hman ral ni neiin a hna ropui hi chawlhsan hun a la nei ve ngei dawn si a, chutih hunah chuan a tu chhuan kal zelte hi mihrang kan lo ni chho bek bek tawh ang. Chu chu hringnun a ni miau si a le!

    Ka pi hi dam hlen thei se ka va ti tak!

Brig. T. Sailo chanchin

 https://docs.google.com/document/d/1i9y-SvQM5Y77-CFexSlKPh4xKJr7-j1Aa7V9C27IK5g/edit?usp=drivesdk

Hausakna

 

Huaisenna